ҚМДБ Төрағасы, Бас мүфти Наурызбай қажы Тағанұлының бастамасымен Қарағанды облыстық “Әнет баба” мешітінде  “Зекет және қайырымдылық" қоры ауырып жатқан 3 адамға қаржылай көмек көрсету мақсатында “Өмірге үміт сыйла” акциясын ұйымдастырды. 

Науқас жандарды Қазақстанда емдеу мүмкін болмағандықтан, қазіргі таңда ол адамдар Түркия елінде ем алып жатыр. 

Демеушілердің көмегімен Зекет және қайырымдылық" қорына 300 000 теңге көлемінде қаражат жиналған. Науқастардың туысқандарына қаржылай сертификаттарды Қарағанды облысының Бас имамы Естай Айтуғанұлы табыстады.

Қайырымдылық қоры бұған дейін де түрлі акциялар ұйымдастырып, мұқтаж жандарға қажетіне сай көмек көрсетіп келеді.