ҚМДБ-ның Төрағасы, Бас мүфти Наурызбай қажы Тағанұлының тапсырмасына орай ҚМДБ «Халал Даму» стандарттау және сертификаттау» орталығының сарапшысы Айжан Омарова Қарағанды облыстық «Әнет баба» мешітінде халықты адал аспен қамту мақсатында қыздар жамағатына семинар өткізді. 

Іс-шара аясында сарапшы маман-Айжан Омарова дүкендердегі көпшілік қолданып жүрген ас мәзіріне қосылатын қоспалар, олардың құрамы, сауда белгілері, сақтау мерзімі, дұрыс өңделмеген өнімдер және басқа да ерекшеліктері туралы баяндады. Сонымен қатар әйел адамдар ас дайындағанда шариғатта рұқсат берілген таза дәмдеуіштерді қолданып, адам денсаулығына зиянды күмән тудыратын немесе қауіпті қоспалар және гендік өзгертілген өнімдерден абай болу (ГМО) туралы да айтылды.

Семинарға Әнет баба мешітінің ұстазы Әйгерім Берікболқызы және қыздар жамағаты қатысты. Қыздар қауымы ас дайындауда туындаған мәселелер бойынша спикерге сұрақтарын қойып, пікіралмасты.