Қарағанды облысына қарасты Бұқар Жырау аудандық «Жыржыс қажы» мешітінің имамы Рүстем Мұратұлының ұйымдастыруымен «25-қазан Рухани келісім күні» құрметіне орай аудан жамағатымен кездесу өткізді.

Іс-шара аясында татулық, бірлік-береке жайында ойлар айтылды. Майқы бидің «Алтау ала болса, ауыздағы кетеді», «Төртеу түгел болса, төбедегі келеді»,-деген нақыл сөздері қанша ғасыр өтсе де өз құнын жойған жоқ. Халқымыз үшін береке-бірліктің маңызы қашанда зор. Сол себепті елімізде 130-дан астам ұлт пен ұлыстың бейбітшілікте өмір сүруі мен дінаралық келісімнің әдемі көрінісін бүкіл әлемге танытып келе жатқанымыз туралы мәселелер қозғалды.

Рухани басқосуда жамағатқа тыныштық пен бейбітшілік, отансүйгіштік тақырыптарында уағыз-насихат айтты.

ҚМДБ-ның Қарағанды облысы бойынша баспасөз қызметі