Қарағанды облысына қарасты Бұқар жырау аудандық «Жыржыс қажы» мешітінде ізгі қоғам бағыты аясында "лудоманияның зардабы" тақырыбында насихат жұмыстары жүргізілді.

Лудомандар - құмар ойынның шырмауына түскен адамдар. Қазіргі кезде казино, ақша салатын түрлі ойын автоматтарының таралуына байланысты құмар ойындар мәселесі өзекті мәселеге айналып тұр. Құмар ойынның құмарлығынан шыға алмай, құрдымға кеткен талай жастар көз алдымызда. Бұл дерт күн өткен сайын қанатын жайып, өмір шырғалаңында талай жанды шырылдатты. Уақыт өткен сайын жастармыздың санасын улап, құрдымға түсіріп жатыр.

Іс-шара барысында аудандық мешіттің наиб имамы Тәубежан Ибраев жиналған жамағатқа қазіргі қоғамда белең алып отырған құмар ойындарының зардабы және оның алдын алу жолдарын түсіндірді.

ҚМДБ - Қарағанды облысы бойынша баспасөз қызметі