ҚМДБ - Қарағанды қалалық «Төлеутай ата» мешітінің ұйымдастыруымен 25-қазан Республика күні мейрамы қарсаңында  Әлихан Бөкейхан ауданындағы балалар үйі зиярат етілді.

«Жерде жетім жыласа, көкте періште күңіренеді» дейді қазақ халқы. «Төлеутай ата» мешітінің имамы Рауан Төлеубекұлы бастаған  мешітінің ұжымы  балалар үйіндегі жеткіншектерге қуаныш сыйлап, сыйлықтар табыс етті. Сондай-ақ, арнайы өлең жолдарын оқыған жеткіншектерге алғыс хаттар мен ынтыландыру сыйлықтарын тарту етті.

Сонымен қатар, аталмыш ғимараттың басшыларымен, қызметкерлерімен кездесіп, жеткіншектер тәрбиеленіп жатқан мекемеге өзінің батасын беріп, мейраммен құттықтады.

ҚМДБ - Қарағанды облысы бойынша баспасөз қызметі