Бұқар жырау ауданы, Үштөбе ауылындағы «Қажыбай қажы» мешітінде Қарағанды облыстық «Әнет баба» мешітінің ұстазы, Шариғат және пәтуа бөлімінің жауапты маманы Жүсіп Шұғайұлы жиналған қауымға уағыз-насихат айтты.

Жүсіп Шұғайұлы иман, уақыт, ар-намыс, намаз оқу, намазды қаза қылмау сияқты адамға қажетті жеті қасиетті тарқатып, түсіндіріп берді. Адамдар жүрегінде иманды бекітіп, уақыттың қадірін біліп, намазды уақытында дұрыс оқыса, адамгершілік пен адалдық жолды ұстанса, ізгілікке жететінін атап өтті. Сондай-ақ жамағаттың қойған сұрақтарына жауап берді.

ҚМДБ - Қарағанды облысы бойынша баспасөз қызметі