Қарағанды облыстық «Әнет баба» мешітінің  жанындағы «Зекет» қайырымдылық қорының өкілі Түсіпбеков Асылхан Рахымжанұлы және «Дін мен дәстүр» бөлімінің жетекшісі Әбілдаев Бақдәулет Қыдырбайұлының ұйымдастыруымен облыстық мешіттің ақсақалдары Достық үйіндегі ұлтымыздың тұлғалары мен елімізді мекендеген түрлі этностардың тарихи жәдігерлерімен танысты.

Қарағанды қаласындағы Достық үйінде еліміздің, өңірдің қайраткер тұлғалары жайындағы туындылар мен түрлі этностардың ұлттық экспонаттары қойылған. Біздің елімізде барлық ұлт өкілдері татулықта, бірлікте өмір сүріп жатыр. Сол ұлттарды ұйыстырып отырған қазақ халқының салт-дәстүрі де ғимарат ішінде анық көрінеді. Мешіт ақсақалдары осынау тарихи жәдігерллерді аралап көріп, әр халықтың болмысымен танысты. Сондай-ақ қазақ елінің бар халықты бір тудың астына біріктіріп отырған парасаты жайында пікіралмасты.

Іс-шара соңында мешітте жайылған дастархан басында өзара сұқбаттасып, дүниеден өткендерге дұға бағышталды.

ҚМДБ - Қарағанды облысы бойынша баспасөз қызметі