ҚМДБ-ның Төрағасы, Бас мүфти Наурызбай қажы Тағанұлының бастамасымен қабылданған «Дін мен дәстүр жылы» аясында Қарағанды қалалық «Әл-Машани» мешітінің имамы Сайлау Жұмағұлұлының тапсырмасымен, осы мешіттің ұстазы - Жикенова Бахытгүл Айтқалиқызы «Сәбиді бесікке бөлеу» іс-шарасын ұйымдастырды.

Тәрбиелік мақсатта мешіт жамағатының ішіндегі ақ жаулықты әжелеріміз жас баланы бесікке салу ережесі мен тәртібін жастарға көрсетіп, оның сәбиге тигізер пайдасы мен әсерін түсіндіріп берді.

Қазақ дәстүрінде жас баланы бесікке бөлеп, әрі таза, әрі ыңғайлы болғандықтан, көшкенде де солай алып жүрген. Алып тұлғалы батырлар да, қайраткерлер де осы бесікте жатқан. Сондықтан қазақ халқы ұрпағын өсірген бесікті қасиетті санағаны іс-шара аясында айтылды.  

ҚМДБ – Қарағанды облысы бойынша баспасөз қызметі