Қарағанды облысы Шахтинск қалалық «Нұр» мешітінің қызметкерлері  «Дархан дала» жобасы аясында «Таутан Молла» мазарын зиярат етті.

Рухани іс-шара барысында бабамыздың атына Құран бағышталып, дұға жасалды. Іс-шараға зиялы қауым өкілдері қатысып, бабамыздың ғұмыр тарихынан сыр шертті. Айта кетсек, данагөй бабамыздың есімі қазақ жұртының тарихында дәстүрлі дініміз үшін мол еңбек сіңірген тұлға ретінде ойып тұрып орын алған болатын.  

Кешегі арда бабаларымыздың ғибратты өмірінен өнеге алу бүгінгі ұрпаққа аманат. Міне, осы мақсатты көздеген игі бастама негізінде мешіт қызметкерлері рухани құндылықтарымызды жаңғыртуды ниет етті..

ҚМДБ – Қарағанды облысы бойынша баспасөз қызметі