ҚМДБ - Қарағанды облысы бойынша  бас имамы Естай Айтуғанұлының ұйымдастыруымен дәстүрге айналған бейсенбілік уағыз дастарханында «Уақып және Зекет» тақырыбы аясында, кезекті насихат жұмыстары жүргізілді.

Бұл жолы «Уақып және Зекет» тақырыбында мешіт ұстазы Жүсіп Шұғайұлы кәсіпкерлер мен жамағатқа садақаның сансыз сауаптары мен уақып етудің маңызы жайында кеңінен түсіндірме жүргізді. Сонымен қатар зекет берудің шарттары да толық қамтылды. Қор жетекшілері Бақдәулет Қыдырбайұлы мен Асылхан Рахымжанұлы кеш соңында уақып пен зекетке қатысты жамағатпен сұрақ-жауап алмасып, көпшілікке муфтият баспасынан шыққан діни әдебиеттерді тарту етті.

ҚМДБ – Қарағанды облысы бойынша баспасөз қызметі