Республикалық ақпараттық-насихат тобының (РАНТ) мүшесі, Солтүстік Қазақстан облысы Қызылжар орталық мешітінің найб имамы Мақсат Аманжолұлы Қарағанды облысына жұмыс сапарымен келді.

Сапар барысында Мақсат Аманжолұлы Әбілқас Сағынов атындағы Қарағанды техникалық университетінің 3-4-курс студенттерімен кездесті. Жас буынға «Білім алудың маңызы және Жат ағымнан сақтану» тақырыптарында дәріс өткізді. Рант мүшесі студенттермен кездесуде:

- Құран Кәрімде де, Мұхаммед (с.ғ.с) пайғамбарымыздан жеткен хадистерде де адам баласының білім алуын міндеттеген. Білімді жастар болашақта өз елін жетістіктерге жеткізеді және жат ағымның тигізетін зияны мен әсерін айыра алады. Бүгінгі әлемдік жағдайлар да білім алудың маңыздылығын көрсетіп отырғанын атап өтті.