Қарағанды облысы Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен үстел теннисінен жамағат аралық турнир өтті.

Сайыс Шахан кенті «Сәлкен молла» мешітінде өтті. Салауатты өмір салтын насихаттайтын аймақтық деңгейде өткен жарысқа Шахтинск, Саран, Шахан мешіттерінің жамағаты қатысты. Жүлделі бірінші орын Шахан мешітінің жамағаты Асылхан Амановқа бұйырды. Ал екінші және үшінші орындарды Саран қалалық мешітінен келген Ақтілек Марат пен Нұрдаулет Тұрдыбековтар қанжығасына байлады. Жүлдегерлерге арнайы мадақтама қағазы мен қаржылай сыйлықтар табысталды.

ҚМДБ – Қарағанды облысы бойынша баспасөз қызметі