Қарағанды облысына қарасты «Төлеутай ата» мешітінің имамы Рауан Төлеубекұлы арнайы іс-сапармен Шет ауданына ат басын бұрды. Сапар барысында жергілікті медицина қызметкерлерімен жат ағымның алдын-алу тақырыбы бойынша кездесу ұйымдастырды.

Кездесуде имам дін тақырыбында жан-жақты насихаттар айтып, әсіресе, қоғамда көбейіп кеткен теріс ағымдардың белгілері, діни сайттар және экстремистік топтар мәселелері кеңінен талқылады. Жат ағымдардың қоғамға келер зияны және олардан сақтану іс-шаралары мен алдын алу жолдары кеңінен түсіндірілді. Сондай-ақ жастар арасында түрлі қылмыстар, ұрлық-зомбылық, арақ-шарап, темекі, зинақорлық секілді кесапат күнәлар тақырыбында уағыз-насихат айтты. Оларды Алланың ақ жолына, зиянды істерден аулақ жүруге шақырды.

Студенттер бас қосқан жиында шәкірттер тарапынан да сауалдар қойылып, оларға имам толыққанды жауап берді.

ҚМДБ – Қарағанды облысы бойынша баспасөз қызметі