Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасымен «Халал Даму» стандарттау және сертификаттау мекемесінің директоры Айбек Асқарбекұлы Қарағанды облысында аудит жұмыстарын жүргізді.

Іс-шара аясында Қарағанды қаласындағы «Сарымбаева» жеке кәсіпкерлігі иелігіндегі еттен жартылай өңделген тағам түрлерін жасайтын «Рауда» жартылай дайын өнімдері «Халал Даму» сертификатын жаңартты.

Кезекті тексеріс барысында, «Рауда» кәсіпорнының еттен жартылай өңделген өнімдерінің өндірілуінен бастап, дүкен сөрелеріне жеткізуіне дейінгі барлық үдеріс толықтай қадағаланды. Дайын өнімдердің сақталуы, тасымалдануы, жеткізуші техникалық құралдардың халал стандартқа сәйкестігі, сату алаңдарында бірыңғай халал өнімдердің орналасуы, қызметкерлердің стандарт талаптарын сақтауы, санитарлық-тазалық мәселелері толығымен тексерілді. Қорытынды акт бойынша, мекемелерде бекітілген стандарт талаптарын бұзу жағдайлары анықталмады.

Бақылау-қадағалау іс-шараларына ҚМДБ жанындағы «Халал Даму» ЖШС бас сарапшы-технологы Айжан Қалмаханқызы, технолог Нұрбек Қанатұлы, Қарағанды облысы бойынша өкілі Амангелді Асқаров қатысты.

ҚМДБ – Қарағанды облысы бойынша баспасөз қызметі