Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасына орай «Халал Даму» стандарттау және сертификаттау мекемесінің директоры Айбек Асқарбекұлы Қарағанды облысына іссапармен келді. Сапар барысында Қарағанды облыстық «Әнет баба» мешітінде ерлер жамағатына «Халал-шариғат талабы» атты семинар өткізді.

Семинарда халал стандарттау және сертификаттауға қойылатын талаптар мен ерекшеліктері түсіндірілді. Жиылған жамағатқа халал ас тұтынудың маңызы, тағам өнімдерін сатып аларда, тұтынарда аса мән берілуі тиіс жәйттар, күнделікті ас өнімдері құрамында жиі кездесетін тағамдық қоспалар, халал өнімдер дайындау технологиясы жөнінде айтылып, құнды ақпаратпен бөлісті. Іс-шара соңында облыстың бас имамы Естай Айтуғанұлы «Халал Даму» ұжымына алғысын білдіріп, халықты халал ас тұтынуға шақырды.