Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасына орай «Халал Даму» ЖШС бас сарапшы-технологы Айжан Қалмаханқызы Қарағанды облысына іссапармен келді. Сапар барысында Қарағанды облыстық «Әнет баба» мешітінде әйел-қыздар жамағатына «Адал ас жанға дауа» атты семинар өткізді.

Семинарда халал стандарттау және сертификаттауға қойылатын талаптар мен ерекшеліктері түсіндірілді. Жиылған әйел-қыздар жамағатына халал ас тұтынудың маңызы, тағам өнімдерін сатып аларда, ас әзірлеп-тұтынарда аса мән берілуі тиіс жәйттар, күнделікті ас өнімдері құрамында жиі кездесетін тағамдық қоспалар, халал өнімдер дайындау технологиясы жөнінде айтылып, құнды ақпаратпен бөлісті. Іс-шара соңында Айжан Қалмаханқызы жиналған қауымға адал асты тұтынуға шақырды.