Шет ауданы, Ақадыр кентінің «Иса молла» мешітінде дүйсенбі күнгі «Құптан» намазының алдында жамағатқа уағыз айтылды.

«Иса молла» мешітінің имамы Азамат Серікұлы жамағаттың сұранысына орай, қазақ халқының игі дәстүрі «сүйінші, көрімдік, байғазы, бәсіре, сыралғы, сауға» сияқты ұлттық құндылықтар туралы жамағатқа айтып берді.

1. Сүйінші - ерекше қуанышты жағдайда, жақсы хабарды хабарлаған адамға берілетін сыйлық.

2. Көрімдік – негізінен жас балалар (кейде үлкен адамдар) жаңа зат алса, баланы қуанту үшін берілетін сыйлық.

3. Байғазы – негізінен жас балаларға, бозбалалар мен бойжеткендерге жаңа киім алғанда берілетін сыйлық.

4. Бәсіре – ұл бала туғанда сүндетке отырғанша берілетін мал (көбіне тай-жабағы). Ұл балаға өскенде серік болатындай, болашақта  жүйрік немесе жорға болады деген жас малды атайды. Оны баламен бірге ерекше күтіп, баптап өсіреді.

5. Сыралғы – аңшылар олжалы болғанда, сыралғы сұрайды. Аңшы олжасын қасындағы, ел ішіндегі жасы үлкен қарияғв, ең сыйлы адамға, «олжалы болсын»,-деген ниетпен аңға алғаш шыққан жас азаматқа, сәбиге атайды. 

Сауға – жаугершілік заманда батырдың, ханның қолына түскен тұтқынды, малды, не бір құнды затты «сауға»,-деп сұрап алады. 

Имам уағыз соңында жамағаттың қойған сұрақтарына жауап берді.

ҚМДБ - Қарағанды облысы бойынша баспасөз қызметі