ҚМДБ Қарағанды облысы өкілдігінде 2024 жылды қорытындылаған дәстүрлі өңірлік мәжіліс ұйымдастырылды. 

ҚМДБ Төрағасы, Бас мүфти Наурызбай қажы Тағанұлының бастамасымен бекітілген «Ислам және дәстүр құндылығы» жылы аясында «Дін мен дәстүр», «Ізгі қоғам», «Ихсан және насихат», «Діни оқу-ағарту», «Жат діни ағымдардан сақтандыру» бес бағыт белгіленген. Сонымен қатар 20-ға тарта діни бөлімдер мен секторлардың жауапты мамандары және аудан-қалалардың имамдары биылғы жылы міндеттелген бар жұмысты атқарып, қорытынды есептерін ойдағыдай тапсырды. Іс-шаралардың барлығы ҚМДБ бекіткен бағдарламалар мен жоспар аясында жүргізілді. 2024 жылы өңірдегі мешіттерде көптеген істер жүзеге асты.

Қарағанды облысының бас имамы Естай Айтуғанұлы осы жылды сәтімен қорытындылаған дін қызметкерлеріне алғыс айтып, еңбегі сіңген мамандарды марапаттады. Сонымен қатар алдағы уақытта да жоспарланған ауқымды, игі істерді жұмыла кірісіп, бірлесе атқаруға тілек тілеп, дұға жасалды.