Қарағанды қаласындағы «Degirmen» дәмханасы халал стандартына сай екендігі расталып, кәсіпорын өкіліне «QMDB Halal» сертификаты табысталды.

«Degirmen» дәмханасында аудиттік тексерістер жүргізіліп, өндіріс үдерістері, қолданыстағы азық-түлік құрамы және қызмет көрсету саласы мұқият тексерілді. Аудит барысында өнімдерді дайындау, сақтау және қызмет көрсету кезінде халал стандарттары мен шариғат талаптарының сақталуы қатаң бақылауға алынды. Халыққа қызмет көрсетуші мекеменің ас дайындау барысында пайдаланатын қоспалары мен дәмдеуіштері және құрал-жабдықтарының тазалығы оған қоса олардың халал талаптарға сәйкестігі де қадағаланды. «Degirmen» дәмханасының қызметкерлеріне белгіленген талаптарды сақтау бойынша семинар өткізіліп, тиісті нұсқаулықтар берілгенін «Халал Дамудың» Қарағанды облысы бойынша жауапты өкілі Амангелді Асқаров айтып берді.

«Degirmen» дәмханасына берілген «QMDB Halal» сертификаты 03.12.2024-02.12.2025 ж.ж. аралығында жарамды.

Мекен-жайы: Қарағанды қаласы, Бұхар Жырау даңғылы, 46.

ҚМДБ – Қарағанды облысы бойынша баспасөз қызметі