Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен Тәуелсіздік күніне орай шаһардағы жетім балалар үйі зиярат етілді.

Мемлекеттік мейрам қарсаңында жеткіншектерге жылы тілектер айтылып, тәттілер үлестірілді. Сонымен қатар орталықтағы барлық бүлдіршіндерге көк жалаушалар таратылып, ҚР-ның мемлекеттік әнұраны шырқалды. Мешіттен арнайы ат терлетіп, айтулы мейраммен құттықтай келген дін қызметкерлеріне мекеме қызметкерлері шексіз алғыстарын білдірді.

ҚМДБ – Қарағанды облысы бойынша баспасөз қызметі