Қарағанды қалалық «Төлеутай ата» мешіті жамағатының ұйымдастыруымен Тәуелсіздік мерекесінің құрметіне орай қлалық мешіттердің жамағатының арасында өтіп жатқан футболдан «Тәуелсіздік кубогы» атпен достық кездесуі жалғасын тапты.

«Төлеутай ата» мешітінің имамы Рауан Төлеубекұлының ұйымдастыруымен өткен «Тәуелсіздік кубогы» атты шағын футбол сайысында аймағымыздағы алты мешіттің жамағаты бақ сынасты. Атап айтқанда, Қарағанды қаласындағы  «Әнет баба», «Әл Машани», «Төлеутай ата», «Хазрет Али», Шахтинск қалалық «Нұр» және Ақтоғай аудандық мешіттерінің жамағаттары қатысты. Сайыс тартысты өтіп, жеңімпаз командалар арнайы кубокпен және қаржылай сертификатпен марапатталса, үздік ойыншылар ынталандыру сыйлықтарымен және алғыс хаттармен мадақталды.

ҚМДБ-ның Қарағанды облысы бойынша баспасөз қызметі