Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен көше тазалаушы қызметкерлерге ыстық ас үлестірілді.

Игі іс-шараға мешіт қызметкерлері мен ерікті жастар ұйытқы болып, сауапты амалға атсалысты. Мешіт ақсақалдары  ерен еңбегі бар қызметкерлерге бата беріп, ізгі ниеттерін білдірді. Сонымен қатар қосымша «Дін және заман» журналы таратылды.

«Адамға алғыс айтпағанның - Аллаға шүкірі жоқ»,-демекші қоғамның тазалығын ретке келтіріп жүрген аға-әпкелерімізге Алла жәрдемші болсын!

ҚМДБ – Қарағанды облысы бойынша баспасөз қызметі