Қарағанды қалалық «Төлеутай ата» мешітінде «Бір айда бір кітап» жобасы аясында мешіт жамағатына «Қазақ хандығының күшеюі» атты кітабы бойынша арнайы дәріс өтті.

Қазақстан тарихы жайлы өткен дәрісті мешіттің наиб имамы Аширматов Диарбек  жүргізді. Дәріс барысында қазақ хандығы, ел мен жер үшін жасалған үлкен жорықтар, хандардың ел басқару жүйесі сынды тарихи оқиғалар баяндалды.

Сабақ соңында мешіт ақсақалына қазіргі халық арасында кеңінен таралып жатқан «Абай тақиясы» табысталды.

Осындай рухани іс-шараны ұйымдастырған мешіт имамы Рауан Төлеубекұлы мен дін қызметкерлеріне жамағат алғыстарын білдірді.

ҚМДБ – Қарағанды облысы бойынша баспасөз қызметі