Шет ауданы «Жанқұтты би» мешітінің имамы Берік Алпысбайұлының ұйымдастыруымен Қарағанды қаласының имамдары мен ұстаздары және «Жанқұтты би» мешітінің жамағаты арасында аудандық спорт мектебінде шағын футболдан жарыс өтті.

«Жанқұтты би» мешіті имамының шағын футбол сайысын ұйымдастыру бастамасын жамағат та қолдады. Жарыс жеңімпаздарына кубок, алғыс хат пен мадақтама және сыйлықтар табысталды. Сондай-ақ «Үздік қақпашы», «Үздік шабуылшы» т.б жақсы өнер көрсеткен ойыншылар да марапатталды. Іс-шара аясында мешіт асханасында дастархан жайылып, әуесқой футболшыларға дәм берілді.

ҚМДБ - Қарағанды облысы бойынша баспасөз қызметі