Қарағанды қаласындағы «Aйлин» ЖШС тиесілі қуырылған балықтан алуан тағам түрлерін дайындайтын «Salem fish»  дәмханасына «QMDB Halal» стандарты талаптарына сай сертификат тапсырылды.

Сертификаттау барысында «Халал Дамудың» Қарағанды облысындағы өкілі Амангелді Асқаров «Salem fish» дәмханасына аудит жүргізіп, тағам даярлау және сақтау үдерістерінің тиісті талаптарға сәйкестігін тексерді. Аудит нәтижелері оң бағаланып, тамақтану орнына «QMDB Halal» стандарты бойынша ресми сертификат табысталды. Дәмхана иелері тұтынушыларға адал, таза өнім ұсынуда аса жауапкершілікпен қарайтынын тілге тиек етті. Сондай-ақ бұл сертификат тауардың жоғары сапасына әрі халықтың тұтыну қызметіне сенімін арттыратынына және жүктелген үмітті ақтауға қызмет ететінін атап өтті.

Дәмхананың мекенжайы: Қарағанды қаласы, Бұқар жырау көшесі 83/2, К9.

Сертификат 1 жылға жарамды.

ҚМДБ – Қарағанды облысы бойынша баспасөз қызметі