Қарағанды облыстық «Әнет баба» мешітінің іс басқарушысы Жақсылық Хайруллаұлы Нұртай Қарағанды облысы әкімінің «Тәуелсіздік ұрпақтары» грантын ұтып алды.

Жастар ресурстық орталығында облыс әкімінің «ТӘУЕЛСІЗДІК ҰРПАҚТАРЫ» гранттары табысталды.

Жобаның басты мақсаты – жастардың белсенді әрі шығармашыл қауымдастығын қалыптастыруға бағытталған бастамаларды қолдау, жастардың жаңа және жұмыс істеп тұрған стартап-жобаларын іске асыру. Облыс әкімінің гранттары бизнесті дамыту үшін ғана емес, сонымен қатар медиа, ғылым, ақпараттық технологиялар және мәдениет салаларына да беріледі.

Келіп түскен барлық жұмыстар белгіленген критерийлер бойынша конкурстық комиссияның сараптамасынан өтті. Комиссия мүшелері жобалардың әлеуметтік маңыздылығы мен бірегейлігін бағалап, 500-жуық құжаттың ішінен 25 жеңімпазды анықтады.

Жеңімпаздар 2 млн теңге көлемінде сертификатқа ие болды. Осы жүлдегерлердің арасында Қарағанды облыстық «Әнет баба» мешітінің іс басқарушысы Жақсылық Хайруллаұлы Нұртай «Orda» медиа жобасы бойынша грант ұтып алды.

Жалынды жастардың бастаған істеріне береке тілейміз!

ҚМДБ – Қарағанды облысы бойынша баспасөз қызметі