Шет аудандық «Жанғұтты би» мешітінің имамы Берік Алпысбайұлының ұйымдастыруымен мешіт ақсақалдары ардагерлерді құттықтады.

Жанғұтты би» мешітінің имамы Берік Алпысбайұлы мешіт ақсақалдарымен бірге аудандағы абыз қария, Шет ауданының «Құрметті азаматы» Алғожин Шәйкен ақсақалдың 90 жасымен құттықтап, қазақы дәстүрмен иығына шапан жауып және кілем мен сый-сыяпат жасап, батасын алып қайтты.

Сонымен қатар мешіт асханасында бірнеше жыл еңбек еткен Смағулова Майкен апаның да үйіне барып, басына орамал, үстіне бешпент жауып және кілем мен немерелеріне дәмді сыйлық сыйлап, құттықтады.

Смағулова Майкен апаға Қарағанды облысының бас имамы Естай Айтуғанұлының атынан алғыс хат табысталды.

ҚМДБ – Қарағанды облысы бойынша баспасөз қызметі