Бұқар жырау ауданы, Тегісжол ауылдық «Мұрат ата» мешітінің имамы Сәкен Әбікенұлы Мукеевтің елеулі еңбегі ескеріліп, ҚМДБ төрағасы, Бас мүфти Наурызбай қажы Тағанұлы «Мүфтият үздігі -2024» жобасы аясында «Үздік ауыл имамы» аталымымен марапаттады.

Сәкен Әбікенұлы 2009 жылдан бері Тегісжол ауылдық «Мұрат ата» мешітінің имамы қызметін атқарып келеді. Осы қызметте 15 жыл бойы жазғы демалыста «имани жаз» жобасы бойынша 50 оқушыны қамтитын курстары тұрақты түрде жұмыс істеп келе жатыр. Сонымен қатар осы мешіттің шәкірттері шетелдік, отандық оқу орындарында білімін жалғастырып, еліміздің түрлі аймақтарында дін жолында абыройлы еңбек етіп, жоғары табыстарға жетті.

Осы жастардың жүрегіне иман нұрын сеуіп, кәсіби деңгейдегі білімді азамат, тұлға болып қалыптасуларына Сәкен имамның еңбегі зор!

Сәкен Әбікенұлы, марапатыңыз құтты болсын! Еңбегіңізге жеміс, отбасыңызға береке тілейміз! Дініміз өркендеп, қарыштап дами берсін!

ҚМДБ – Қарағанды облысы бойынша баспасөз қызметі