Шет аудандық «Жанқұтты би» мешітінің имамы Берік Алпысбайұлының ұйымдастыруымен діни мамандарға қызметтік пәтер алу мәселесі талқыланды.

Сейсенбі күні құтпан намазынан кейін «Жанқұтты би» мешітінің асханасында аудан кәсіпкерлері, фермерлер және басқа да азаматтардың қатысуымен жиналыс өтті. Басқосудың басты себебі – мешітте наиб имам мен ұстаздардың тұрақтамауына байланысты қызметтік пәтердің қажеттілігі туралы мәселе қозғалды. Жиналысқа қатысқан аудан азаматтары бұл ұсынысты бірауыздан қолдап, пәтер алуға өз үлестерін қосатынын айтты.

Жиын соңында дастархан жайылып, ақсақалдар игі бастаманың сәтті жүзеге асуына ақ баталарын берді.

ҚМДБ – Қарағанды облысы бойынша баспасөз қызметі