2024 жылы ҚМДБ Қарағанды облысы өкілдігі ұлттық салт-дәстүр құндылықтарын жаңғырту мақсатында «Дін мен дәстүр» бағыты бойынша облыс көлемінде 1032 игі іс жүзеге асырылды. Жыл бойы өткізілген бұл жұмыстарға жалпы саны 26 847 адам қатысты.

Жоспарланған бес негізгі бағыттан тыс, ұлттық өнер мен салт-дәстүрді дәріптеу мақсатында 335 іс-шара атқарылды. Оның аясында түрлі өнер сайыстары, интеллектуалдық викториналар, ұлттық спорт түрлерінен турнирлер, кездесулер, семинарлар, форумдар және сұхбаттар ұйымдастырылды.

«Дін мен дәстүр» бағытына қарасты Жастар ісі секторы 2024 жылы үш негізгі бағыт бойынша қызмет атқарды: «Насихат және сауаттылық», «Қоғамдық» және «Спорттық». Осы бағыттар аясында Қарағанды өңірінде 38 674 адамды қамтыған 1 368 тиісті жұмыс орындалды.