Шет ауданына қарасты Ақадыр кентіндегі «Иса молла» мешітінің имамы Азамат Серікұлы соңында жамағатқа ақиқа малын шалудың мәні мен маңызы туралы жамағатқа түсіндіріп берді.

Ақиқа малы – жаңа туған нәресте үшін шүкіршілік ретінде шалынатын құрбандық. Бұл сүннет амал, оның мақсаты – Аллаға ризашылық білдіру және балаға береке тілеу.  

Ақиқа малы ретінде қой, ешкі, сиыр немесе түйе шалынады. Аталған малдың дені сау, дене мүшелері бүтін, жасы да құрбандық талаптарына сай келуі тиіс.

Ұл бала үшін екі қой немесе екі ешкі, ал қыз бала үшін бір қой немесе бір ешкі шалынады. Шалынған малдың еті отбасына қалдырылып немесе мұқтаж жандарға таратуға да болады.

Сондай-ақ ақиқа рәсімінде дұға етіп, балаға жақсы есім берудің де маңызды екендігі де айтылды. 

Іс-шара аясында имам жамағат тарапынан қойылған сұрақтарға жауап беріп, ақиқа рәсімінің тәртібі мен шарттары жан-жақты түсіндірілді.

ҚМДБ – Қарағанды облысы бойынша баспасөз қызметі