Қарағанды қалалық  «Әл-Ғаффар» мешітінің имамы Оралбай Әділбекұлының ұйымдастыруымен өткен жиында ҚМДБ бекіткен «Дін мен дәстүр» бағыты бойынша жұмыстарды жүргізу мәселелері талқыланды.

«Әл-Ғаффар» мешітінде Қарағанды облысы өкілдігінің «Дін мен дәстүр» бағытының жетекшісі Бақдәулет Қыдырбайұлы мен аузы дуалы ақсақалдар бас қосып, келелі кеңес өткізді.

Жиын барысында еліміздің амандығы мен тұрақтылығына және асыл дініміздің өркендеуі үшін дұға жасалып, ақсақалдар тарапынан бата берілді.

Сонымен қатар жиналған қауым «Әл-Ғаффар» мешіті ұжымы мен өңірдегі өзге де мешіттерге және дін саласында елеулі еңбек етіп жүрген азаматтардың игі бастамаларына береке тілеп, Құран оқылды.

ҚМДБ – Қарағанды облысы өкілдігінің баспасөз қызметі