2024 жылы шариғат және пәтуа бөлімі ауқымды әрі нәтижелі жұмыс атқарды. Жыл бойы жамағат тарапынан жалпы 11 655 сұрақ келіп түсті. Бұл бөлімнің халық арасында жоғары сұранысқа ие екенін көрсетті. Сұрақтардың басым бөлігі ғибадат (3095 сұрақ), әртүрлі тақырыптар (3934 сұрақ), ақида (1897 сұрақ), отбасылық құқық (1496 сұрақ) және мүліктік қатынасқа (1233 сұрақ) қатысты болды.

Діни сауаттылықты арттыру мақсатында имамдарға арналған 10 семинар өткізілді. Семинарларда ғұламалар кеңесінде бекітілген өзекті пәтуалар жан-жақты түсіндірілді. ҚМДБ шариғат және пәтуа бөлімінің Қарағанды облысы бойынша жауапты маманы Жүсіпбек Шұғайұлы 12 маңызды мақала жазып, Мүфтияттың ақпарат құралдарында жарияланды.

Сонымен қатар, жамағат арасында танымал болған 233 апталық пәтуа сағаты ұйымдастырылып, халықтың діни мәселелер бойынша көкейкесті сұрақтарына жауап берілді. Әлеуметтік желілерде бөлімнің белсенділігі жоғары болды. Жыл ішінде 73 аудио-видео материал дайындалып, жарияланды.

Осылайша, 2024 жылы шариғат және пәтуа бөлімі халықтың діни сауаттылығын арттыруда, өзекті мәселелерге дер кезінде жауап беруде және жамағатпен тығыз байланыс орнатуда айтарлықтай үлес қосты.

ҚМДБ - Қарағанды облысы бойынша баспасөз қызметі