Қарағанды қалалық Әл-Машани мешітінің бас имамы Мусин Сайлау Жұмағұлұлының ұйымдастыруымен әлеуметтік көмекке мұқтаж жандарға көмек көрсетіп жүрген «Ана Мама» қорының азаматтарына мешіт ұжымы дастархан жайып, алғыс білдірді.

«Әл-Машани» мешіті қайырымдылық қордың атқарып жатқан ізгі еңбегін жоғары бағалап, 150 000 теңге көлемінде қаржылай қолдау көрсетті. Бұл көмек қордың мұқтаж жандарды азық-түлік, дәрі-дәрмек және басқа да қажеттіліктермен қамтамасыз етуіне бағытталады.

Іс-шара барысында мешіт имамы Сайлау Жұмағұлұлы:

- Қайырымдылық – асыл дініміздің негізгі қағидаларының бірі. Пайғамбарымыз (с.а.с.) әрдайым мұқтаж жандарға көмек көрсетуді өсиет еткен. Бүгінде осындай ізгі істермен айналысатын «Ана Мама» қорының еңбегі зор. Біз мешіт жамағатымен бірлесіп, олардың жұмысын қолдауды өзіміздің парызымыз деп есептейміз, – деп, қор өкілдеріне ізгі ниетін білдірді.

«Ана Мама» қорының жетекшілері мешіт ұжымына рақметін айтып, мұндай қолдау қайырымдылық істерін одан әрі жалғастыруға үлкен жігер беретінін атап өтті.

ҚМДБ – Қарағанды облысы бойынша баспасөз қызметі