Шет ауданы, Ақадыр кентінің «Иса молла» мешітінде рухани-танымдық іс-шара өтті. Әйелдер жамағатына арнайы ұйымдастырылған кездесуде мешіттің әйел-қыздарының ұстазы Жалғабекова Әлия Рахманқызы маңызды тақырыпта уағыз жүргізді.

«Ережеп – Аллаһ Тағаланың айы» тақырыбында өткен бұл уағызда Әлия ұстаз жамағатқа Ережеп айының қасиеті мен маңыздылығын түсіндірді.

Уағыз барысында Икрим ибн Аббастан риуаят етілген хадиске тоқталып өтті. Онда Аллаһ елшісі (с.ғ.с.): «Ережеп – Алланың айы, Шағбан – менің айым, ал Рамазан – үмметімнің айы» – деген.

Сондай-ақ іс-шара соңында ұстаз - әйел-қыздар жамағатының қойған сұрақтарына жауап берді.

ҚМДБ – Қарағанды облысы бойынша баспасөз қызметі