Шахтинск қалалық «Нұр» мешітінің имамы Мәулен Әбілхайыр Кәсенұлы мен ұстаз Дәуірбаев Медет Маратұлы діни бағытта жамағатқа үнемі дәрістер өткізіп келеді.

Қасиетті Құранның алғашқы түскен аяты білім алуға шақырды. «Иқра!» (Оқы!) деп басталған сөз «оқу мен жазуды игер» деген мағынаны береді.

Тарихта мұсылмандардың әрбір жас-кәрісі, ер-әйелі білімнің тал бесіктен жер бесікке дейін парыздығын сезінді.

Қасиетті Құран мен сүннет тағылымдарына сүйеніп өмір сүрген мұсылмандар білім мен ғылымды негізге алып, ғаламға шуақ нұрын төкті. Нәтижесінде,  ислам дінінің қанаты жеткен өлкелерде ғылым, білім, мәдениет дамып, ғылымның әр саласынан есімі өшпейтіндей танымал ғалым-ғұламалар жетілді.

Бүгінде Шахтинск қалалық «Нұр» мешіті де білім алуға баса мән беріп, шәкірттерге «Құранға түсу» және басқа да дәрістерді оқытып жатыр.

ҚМДБ – Қарағанды облысы бойынша баспасөз қызметі