Қарағанды қалалық «Хазрет Али» мешітінде діни сауат ашу дәрістері тұрақты түрде жалғасып келеді. Жамағатқа арналған бұл дәрістерде Құран ілімдері мен Ислам негіздері жан-жақты түсіндіріліп, тыңдаушылардың діни білімін арттыруға басымдық беріледі

Құран ілімдері бойынша сауат ашып жүрген жамағатқа дәрістерді мешітте Таңат ұстаз өткізеді. Ол Құранның мағынасы мен тәпсірін түсіндіріп, Алланың сөзін дұрыс оқып, ұғыну жолдарын үйретіп жүр. Дәрістер барысында қатысушылар тек діни білім ғана емес, рухани тәрбие мен Исламның өмірлік құндылықтарын да меңгереді.

«Хазрет Али» мешітінің бұл бастамасы жамағат арасында үлкен қолдауға ие болып, халықтың діни сауаттылығын арттыру жолындағы маңызды қадам болмақ.

ҚМДБ – Қарағанды облысы бойынша баспасөз қызметі