Қарағанды қалалық «Әл-Машани» мешітінде білім алушы шәкірттер арасында тереңдетілген тәжуидтен сайыс болып өтті.

Құран Кәрімді тәжуидпен оқу әрбір мұсылман үшін уәжіп болып саналады. Сол себепті білім алғанда арнайы ережелерімен оқуға талпынып, ізденудің өзі сауапты амалдар қатарына жатады.

Шәкірттер өзара топқа бөлініп, тәжуидте қамтылған әртүрлі тапсырмаларды Құран аяттарынан мысал келтіре орындады. Белсенді қатысқан барлық шәкірттер марапатталып, жақсы нәтиже көрсеткен топқа сыйлық сертификаты берілді.

ҚМДБ – Қарағанды облысы бойынша баспасөз қызметі