Қарағанды облысының бас имамы Естай Әбдіғали Приозерск қаласына іссапармен барып, шаһар басшысымен кездесті.

Кездесу барысында Естай Айтуғанұлы Приозерск қаласының әкіміне Бас мүфтидің кітабын табыстап, мешіттердің қоғамдағы рөлі мен жастар тәрбиесіндегі маңызын талқылады. Сонымен қатар өңірдегі діни ахуал мен ағартушылық жұмыстардың жай-күйін сөз етті.

Бас имам жастардың діни сауаттылығын арттырудың қажеттілігіне ерекше назар аударып, бұл бағыттағы ортақ жобаларды жүзеге асырудың маңыздылығын атап өтті. Сондай-ақ, ол рухани құндылықтарды насихаттау арқылы қоғамдағы бірлік пен келісімді нығайтуға шақырды.