Қарағанды облысының бас имамы Естай Әбдіғали Саран қалалық мешітінде бақылау-басқару жұмыстарын жүргізіп, мешіттің қызмет көрсету сапасы мен діни іс-шараларды ұйымдастыру деңгейін қарастырды.

Естай Әбдіғали Саран қалалық мешітінің имамы Нұржігіт Оразалыұлы мен қызметкерлерге тапсырмалар беріп, діни іс-шаралардың ұйымдастырылу сапасын арттырудың маңыздылығын атап өтті. Сондай-ақ жамағатқа қолайлы жағдай жасау, жастармен жұмыс жүргізу және ұлттық әрі рухани құндылықтарды насихаттау бағытында тиімді жобаларды жүзеге асыру қажеттігіне тоқталды.

Бұл сапарда негізінен – мешіттің ағымдағы жай-күйімен танысу, жамағаттың рухани сұраныстарын қамтамасыз ету және діни қызметті одан әрі жетілдіру істері талқыланды.