Қарағанды облысының бас имамы Естай Әбдіғали Ақтас кентіндегі мешіттің жағдайымен танысып, ондағы діни қызмет көрсету сапасын жан-жақты бағалады. 

Естай Әбдіғали Ақтас кенті мешітіннің имамы мен діни қызметкерлеріне жамағат арасындағы ынтымақты нығайту және діни қызмет сапасын одан әрі жақсарту қажеттігін атап өтті. Сондай-ақ мешіттің қоғамдық маңызын арттыру, жастар арасында рухани тәрбие мен дәстүрлі ислам құндылықтарын насихаттау, діни ағарту саласын дамыту мәселелері қозғалды.

Іс-шара аясында мешіттің инфрақұрылымы, жамағатқа көрсетіліп жатқан қызмет түрлері және діни іс-шаралардың ұйымдастырылу деңгейі тексерілді. Сонымен қатар алдағы жұмыстарды тиімді ұйымдастыруға бағытталған бірқатар шешімдер қабылданды.