Қарағанды облысының бас имамы Естай Айтуғанұлы Қарағанды қаласының Терешкова көшесінде салынып жатқан жаңа мешіттің құрылысымен танысты.

Естай Айтуғанұлы Терешкова көшесінде жаңадан салынып жатқан Алланың үйіне арнайы барып, құрылыс сапасына ерекше назар аударды. Ондағы жауапты мамандармен кездесу барысында мешіттің сәулеттік шешімдері мен материалдарының шариғат талаптары мен заманауи стандарттарға сай болуы қажеттігін атап өтті. Сондай-ақ құрылыс жұмыстарының уақытылы аяқталуы да сол аумақта тұратын жамағатқа аса маңызды екенін ескертті.

Игі бастаманы жүзеге асырушы азаматтар мен құрылысшылар ғимараттың жобасы туралы баяндап, барлық жұмыстар тиісті талаптарға атқарылып жатқанын тілге тиек етті. Мешіттің болашақта шаһар тұрғындары үшін көрікті әрі жайлы ғибадат орны болатынына баса мән берілмек.