Қарағанды облысының бас имамы Естай Айтуғанұлы Қарағанды қаласы, Әлихан Бөкейхан ауданынына қарасты Майқұдық елдімекенінде жаңадан салынып жатқан мешіт құрылысын аралап көрді. Бас имам бұл сапарында болашақ ғибадат үйінің  жоба жетекшілерімен пікір алмасты.

Мешіт осы елдімекеннің мұсылман жамағатына арналып, заманауи әрі дәстүрлі архитектуралық стильде салынып жатыр. Құрылыс жүргізу барысында бас имам қауіпсіздік талаптарының толықтай сақталуын және ғибадат үйінің заманауи үлгіге сәйкес жасалуына баса мән берілуін ескертті.

Естай Айтуғанұлы өкілдік тарапынан құрылысы жүріп жатқан мешіттерге қолдау көрсету үшін барлық қажетті шаралар қабылданатынын айтты.  Сондай-ақ, өңірде жаңа мешіттердің көбеюі қоғамның ынтымақ-бірлігін нығайтып, жастарды тәрбиелеуде маңызды рөл атқаратынына тоқталды. Оған қоса мешіттің осы елдімекеннің рухани дамуына үлес қосатын маңызды нысан болатынына сенім білдірді.