Center Image
IHSAN.KZ
Ақадыр кентінде нашақорлыққа қарсы байқау өтті
Ақадыр кентінде нашақорлыққа қарсы байқау өтті

Ақадыр кентінде «Нашақорлық - ғасыр дерті» тақырыбында мектеп оқушылары арасында сурет салу және бейнеролик түсіру сайысы өтті. Іс-шараға кент полициясы бөлімінің басшысы Нұржан Бесимовтың бастамасымен жастар бөлімі, спорт бөлімі, кент ауруханасы, «Иса молла» мешіті және мәдениет үйіі атсалысты.

 

Ақадыр кентіндегі «Нашақорлық ғасыр дерті» атты тақырыпта мектеп оқушылары арасында сурет салу және видеоролик түсіру байқауының қорытындысы мәдениет үйінде жалғасты. Сайысқа кент басындағы мектептердің ішінен 50-ге тарта оқушы қатысып, жеңіске жеткен командаларға бағалы сыйлықтар табысталды.

1-орын М. Мәметова мектебі

2-орын Ә. Ермеков мектебі

3-орын Ю. Гагарин мектебі алды.  

Іс-шара аясында ұйымдастырушылар жеңімпаздарға ізгі тілегін білдіріп, нашақорлықтың зияны туралы айтты. Сонымен қатар «Иса молла» мешітінің имамы Азамат Серікұлы нашақорлық, зиянды құмар заттарға мұсылман дінінде тыйым салынғанын және олардың адам денсаулығына, жалпы өміріне зиян келтіретіні жайында уағыз-насихат айтты.

Байқау соңында игі бастаманы ұйымдастырып, атсалысқан азаматтар мен мекемелердің өкілдеріне мәдениет үйінің басшылығы алғыс хат тапсырды.

 

ҚМДБ Қарағанды облысы бойынпша өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz