Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен «Зекет және қайырымдылық» қоры қолдау білдіріп, мешіт жамағаты хоккей ойынын тамашалады.

«Тәні саудың – жаны сау» қағидатына сай мешіт жамағаты арасындағы достық қарым-қатынасты нығайту және жастарды спортқа баулу мақсатында өткізілген бұл іс-шарада шәкірттер мен жамағат хоккей ойынын тегін тамашалады. Дін мен денсаулықты қатар ұстанудың маңыздылығын көрсететін бұл игі бастама жамағатқа ерекше рухани әрі мәдени серпіліс сыйлады.

Жастардың спортқа деген қызығушылығын арттырып, дені сау, саналы ұрпақ тәрбиелеу үшін мұндай игі бастамалар алдағы уақытта да жалғасын таппақ.

ҚМДБ Қарағанды облысы бойынша баспасөз қызметі