Ақтас кентіндегі «Ерімбет ата» мешітінде «Жаратушы сыйға тартқан – орамал» атты рухани іс-шара өтті.

Іс-шарада орамалдың діни маңызы мен құндылықтары, сондай-ақ Алла елшісінің (с.а.с) өмірі мен оған деген сүйіспеншілік жайлы уағыз айтылды. Қатысушылар арасында сұрақ-жауап сайыстары ұйымдастырылып, жеңімпаздарға сыйлықтар табысталды.

Сонымен қатар әйел ұстаз Әмина Алмасқызының Құранға түскен шәкірттері марапатталып, орамалды қыз-келіншектер өз тәжірибелерімен бөлісті. Қонақтар рухани кештен алған әсерлерімен бөлісіп, жиын жылы ықыласпен аяқталды.
 

ҚМДБ - Қарағанды облысы бойынша баспасөз қызметі