«Жақып Ақбай» мешітінің имамы Жанболат Қошкелді бейсенбілік уағызда «Алланы есім сипаттарымен тану» дәрісін өткізді. Бұл іс-шара жамағаттың рухани білімін арттыруға бағытталды.

Бейсенбі күні өткен дәрісте мешіт имамы Жанболат Қошкелді Алланың көркем есімдерінің сырлары мен мағыналарын жамағатқа түсіндіріп, әр есімнің мұсылман өміріндегі орнын нақты мысалдармен жеткізді. Жамағат бұл сабақтан рухани қуат алып, Алланы танудың жүрекке тыныштық пен сенім сыйлайтынын ерекше сезінді.

Дәріс барысында қойылған сұрақтарға берілген мазмұнды жауаптар тыңдаушылардың көңілінен шығып, олардың жүрегінде терең әсер қалдырды. Бұл іс-шара жамағаттың рухани бірлігін нығайтып, Алланы тану жолындағы жаңа қадамдарға бастау болды.

Қарағанды облысы бойынша баспасөз қызметі.