Center Image
IHSAN.KZ
Көкпекті мешітінің имамы умра сапарынан оралды
Көкпекті мешітінің имамы умра сапарынан оралды

Көкпекті ауылдық мешітінің имамы Нұржан Оңғарұлы қасиетті Мекке мен Мәдина қалаларына барып, умра қажылығын өтеп қайтты. Бұл сапар – мұсылмандар үшін рухани жаңғырудың, жүрекке иман нұрын ұялатудың маңызды сәттерінің бірі.

 

Киелі сапардан оралған соң, ауыл ақсақалдары мен жамағатты жинап, дастархан жайылды. Жиын барысында имам қажылық сапарында көрген-білгенін, Пайғамбарымыз Мұхаммед (соллаллаһу ғалайһи уасаллам) өмірінен тағылымды оқиғаларды баяндап, ғибратты насихат айтты. Сонымен қатар, Меккеден алып келген зәмзәм суы мен құрма үлестіріліп, жамағат ақ батасын берді.

Бұл басқосу иман жолындағы білімді тереңдетіп, ауыл тұрғындарының рухани байлығын арттыруға септігін тигізді. Алланың разылығы үшін жасалған дұғалар мен жақсы тілектер қабыл болғай!

 

ҚМДБ - Қарағанды облысы бойынша баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz