«Қажыбай қажы» мешітінің ұстазы Гүлнұр Қаныбекқызының ұйымдастыруымен Құран жаттаушы шәкірттер арасында тәтті тағам пісіруден аспаздық шеберлік сабағы ұйымдастырылды.

Бұл іс-шара «Ислам және отбасы құндылығы жылы» аясында жастарды отбасылық құндылықтарды насихаттауға бағытталған. Мақсаты – шәкірттерді Рамазан айына дайындау, отбасын қуанту үшін ас дайындау дағдыларын жетілдіру және білікті шеберлердің тәжірибесін меңгеру.

Шеберлік сабағына қатысушылар торт, пирог, ұйғыр самсасы, капкейк секілді түрлі дәмді тағамдарды әзірлеуді үйренді. Бұл іс-шара тек аспаздық қабілетті дамыту ғана емес, өзгелермен бірге тағам әзірлеудің ерекше әсер сыйлайтынын көрсетті. Қатысушылар үшін асханадағы жұмыс үйдегі тамақ дайындаудан әлдеқайда қызықты әрі көңілді өтті.

Осындай игі бастамалар жағымды орта қалыптастырып қана қоймай, қыз балалардың жаңа дағдылар меңгеруіне, жан-жақты дамуына және отбасылары мен қоғамға пайдалы болуына ықпал етеді. Қоғамның өркендеуі жан-жақты дамыған тұлғалар арқылы жүзеге асады!

ҚМДБ Қарағанды облысы бойынпша өкілдігінің баспасөз қызметі.