Қарағанды облысына қарасты Бұқар Жырау аудандық «Жыржыс қажы» мешітінің имамы Рүстем Мұратұлының ұйымдастыруымен  «Ислам және отбасы құндылығы» тақырыбында рухани отырыс болып өтті.

Естеріңізге сала кетсек, ҚМДБ-ның Төрағасы, Бас мүфти Наурызбай қажы Тағанұлы биылғы жылды “Ислам және отбасы құндылығы” жылы деп атаған болатын.

Осы тақырып аясында мешіт жамағатының құрметіне арнайы дастархан жайылып, мешіт имамы жамағатқа отбасылық өмірдің маңызы жайында насихат айтты.

Сонымен қатар, отбасының тірегі болған ер мен әйелдің өзіндік рөлін түсіндірді. Берекелі басқосу соңында жамағаттың тарапынан туындаған сұрақтарға жауап берілді.

 
 ҚМДБ - Қарағанды облысы бойынша баспасөз қызметі